Ադրբեջանը Ռուսաստանից ռազմատեխնիկական նշանակության ավելի քան 5 մլրդ դոլարի արտադրանք է գնել:
Այս մասին հայտարարել է Ադրբեջանի նախագահ Իլհամ Ալիեւը ՌԴ նախագահ Վլադիմիր Պուտինի հետ բանակցություններից հետո, հաղորդում է ՏԱՍՍ-ը:
«Մենք խոսել ենք ռազմատեխնիկական ոլորտում հետագա համագործակցության մասին: Այն արդեն մեծ ավանդույթներ ունի: Ռուսաստանում Ադրբեջանի կողմից ձեռք բերված ռազմատեխնիկական արտադրանքը գերազանցում է 5 միլիարդ դոլարը եւ սա աճման միտում ունի», -ասել է Ալիեւը:
Նա նշել է, որ Ադրբեջանը շարունակում է արդիականացնել իր զինված ուժերը, իսկ Ռուսաստանը միջազգային շուկաներում ռազմական արտադրանքի մատակարար եւ կարեւորագույն համաշխարհային արտադրող է:
Source: Yerkir Media
Link: Ադրբեջանը Ռուսաստանից արդեն 5 մլրդ դոլարի ռազմական արտադրանք է գնել
