«Ալ Քաիդա»-ի պարագլուխը հորդորել է Սիրիայում պատրաստվել երկարատեւ պատերազմի
April 24, 2017
«Ալ Քաիդա» ահաբեկչական խմբավորման պարագլուխ Այման ազ Զավահիրին հորդորել է կողմնակիցներին եւ խմբավորման բոլոր զինյալներին՝ Սիրիայում պատրաստվել երկարատեւ պատերազմի: Այդ մասին ապրիլի 24-ին հայտնել Է Associated Press գործակալությունը՝ վկայակոչելով «Աս Սահաբ»-ին, որն «Ալ Քաիդա»-ի քարոզչական մեդիառեսուրսն Է:
Ազ Զավահիրին հորդորել Է ծայրահեղականներին՝ մարտավարությունը փոխարինել պարտիզանական պատերազմով, նշվում Է հաղորդագրության մեջ: Նրա խոսքով՝ «միջազգային սատանայական դաշինքը» երբեք չի ընդունի իսլամական իշխանությունը Սիրիայում:
«Ալ Քաիդա»-ի պարագլուխը պարզաբանել Է, որ այդ պատերազմը բացառապես սիրիացիներինը չԷ, այլ ռազմարշավ բոլոր մուսուլմանների համար, որոնք ձգտում են հասնել «աստվածային կառավարման» հաստատմանը, հաղորդել Է «Ինտերֆաքս»-ը:
