ԱՄՆ-ը կոչ է արել պահպանել Սուրբ Սոֆիա տաճարի կարգավիճակը
June 23, 2017
Միացյալ Նահանգները կոչ է արել Թուրքիայի կառավարությանը` պահպանել Ստամբուլի Սուրբ Սոֆիա տաճարի կարգավիճակը՝ հաշվի առնելով դրա պատմական եւ տարբեր կրոնների համար ունեցած կարեւորությունը:
ԱՄՆ պետքարտուղարության խոսնակ Հիզեր Նաուերթը ճեպազրույցի ժամանակ այսպես է ներկայացրել Նահանգների դիրքորոշումը՝ օրերս Սուրբ Սոֆիայի տաճարում թուրք պաշտոնյաների ներկայությամբ կատարված նամազի առնչությամբ:
Ավելի վաղ Հունաստանի արտգործնախարարությունն էր քննադատել տաճարում՝ Ռամադան ամսվա «Ամենակարողության գիշեր» արարողության անցկացումը, որի ընթացքում Ղուրան է կարդացվել, նամազ արվել եւ դա հեռարձակվել է պետական հեռուստատեսությամբ:
Հունաստանի արտգործնախարարության հայտարարության մեջ ասվում է, որ տաճարը UNESCO-ի մշակութային ժառանգություններից մեկն է: Այն մզկիթի վերածելու փորձը վիրավորում է միջազգային հանրությանը, որը պետք է արձագանքի կատարվածին:
