Երեւանում եւ Հայաստանի մի շարք քաղաքաներում ապրիլի 23-ին եւ 24-ին կվառվեն հազարավոր ջահեր՝ ի դատապարտում Հայոց ցեղասպանության եւ ի հիշատակ 1 ու կես միլիոն զոհերի:
Երեւանում երթը կմեկնարկի այսօր` երեկոյան, 19:30-ին՝ Ազատության հրապարակից, Հրազդան քաղաքում` 18:30-ին՝ Սահմանադրության հրապարակից, իսկ Արմավիր քաղաքում՝ թիվ 1 Մշակույթի տան հրապարակից: Իջեւանում ջահերով երթի մասնակիցները հավաքվում են Շատրվանների հրապարակում` 19:30-ին: Կապանում երթը կմեկնարկի ՀՅԴ «Արամ Մանուկյան» կոմիտեության գրասենյակի մոտից՝ 19:15, Սիսիանում՝ 19:30` ՀՅԴ գրասենյակի բակից:
Ջահերով երթեր տեղի կունենան նաեւ հաջորդ օրն՝ ապրիլի 24-ին: Արտաշատում երթը սկսվում է երեկոյան, ժամը 21.00-ին` Սուրբ Հովհաննես եկեղեցու բակից, Վեդում՝ քաղաքի սկզբնամասից` ժամը 19:00-ին, իսկ Գյումրիում, Սուրբ Հակոբ Մծբնա եկեղեցու բակից, երեկոյան` ժամը 19:00-ին:
Source: Yerkir Media
Link: Այսօր եւ վաղը Երեւանում ու մարզերում ջահերով երթեր են տեղի ունենալու. Հիշում ենք եւ պահանջում
