«Արմաթ» ինժեներական խմբակ-լաբորատորիաներն ընդլանում են իրենց աշխարահագրությունը: Հերթն այս անգամ Արարատի եւ Վայոց Ձորի մարզերինն է: Լաբորատորիաները «միս ու արյուն» են ստանում Ինֆորմացիոն տեխնոլոգիների ձեռնարկությունների միության ու Յուքոմ ընկերության շնորհիվ:
Միության եւ Ucom ընկերության միջեւ ստորագրված համագործակցության հուշագրի համաձայն՝ Ucom ընկերությունը ներդրումներ է կատարում, որպեսզի Հայաստանի 9 մարզերում բացվեն «Արմաթ» անվանումը կրող շուրջ 70 ինժեներական խմբակ-լաբորատորիաներ: Նախագիծը նպատակ ունի խթանելու տեխնոլոգիական կրթությունը Հայաստանի համայնքների բոլոր դպրոցներում:
«Արմաթ» ինժեներական խմբակ-լաբորատորիաներում մշակված ծրագրային փաթեթները, ինչպես նաեւ սարքավորումների գծագրերը բաց են հանրության համար:
Ինֆորմացիոն տեխնոլոգիների ձեռնարկությունների միության գործադիր տնօրեն Կարեն Վարդանյանը լիահույս է, որ առաջիկայում «Արմաթի» աշակերտները նորաստեղծ ընկերություններ կհիմնեն ու կաջակցեն իրենց համայնքի զարգացմանը:
Source: Yerkir Media
Link: «Արմաթ» ինժեներական խմբակ-լաբորատորիաներն ընդլանում են իրենց աշխարահագրությունը
