Արքեպիսկոպոս Բեքչյանը հունիսի 1-ին կժամանի Ստամբուլ
May 30, 2017
Պոլսո Հայոց պատրիարքական տեղապահ Գարեգին արքեպիսկոպոսԲեքչյանը հունիսի 1-ին կժամանի Ստամբուլ: Այս մասին հայտնում է Ստամբուլի հայկական «Ակոս» պարբերականը:
Բեքչյանի համար հատուկ դիմավորման արարողություն կկազմակերպվի, ինչպես նաև Գումգափուի Սուրբ Մարիամ Աստվածածին եկեղեցում պատարագ կմատուցվի:
Գերմանիայի Հայոց թեմի առաջնորդ Բեքչյանը մարտի 15-ին Պոլսո պատրիարքարանի հոգևոր խորհրդում ընտրվել էր պատրիարքական տեղապահի պաշտոնում: Նրա ընտրվելուց հետո, սակայն, Արամ արքեպիսկոպոս Աթեշյանը հրաժարվել էր թողնել պատրիարքական փոխանորդի պաշտոնը, ինչի հետևանքով պատրիարքարանում միառժամանակ լարվածություն էր տիրում: Այն հանգուցալուծվեց Աթեշյանի հրաժարականով:
