«Արմենպրես» լրատվական գործակալության «Երևանյան բեսթսելեր» հեղինակային նախագծի վարկանիշային աղյուսակն այս շաբաթ կրկին գլխավորում է Մարկ Արենի «Այնտեղ, որտեղ ծաղկում են վայրի վարդեր» ստեղծագործությունը:
Ինչպես նախորդ, այնպես էլ այս շաբաթ երկրորդ տեղում է Էդգար Հարությունյանի «Չգտնված երիցուկներ» ժողովածուն:
Երրորդ հորիզոնականն է զբաղեցրել Ջոն Բոյնի «Զոլավոր գիշերազգեստով տղան» ստեղծագործությունը:
Չորրորդ տեղում նոր գիրք է` Հերման Հեսսեի «Սիդհարթա» այլաբանական վեպը:
Գի դը Մոպասանի «Ընտիր նովելներ» գիրքը մեկ հորիզոնականով բարելավել է իր դիրքերը և հինգերորդն է աղյուսակում:
Վեցերորդ հորիզոնականում Ստեֆան Ցվայգի «Ընտիր նովելներ» գիրքն է:
Իր դիրքերը զիջել և յոթերորդ հորիզոնականում է հայտնվել Էդգար Հարությունյանի «Նվիրվելու արվեստը կամ ձոն վարդին» բանաստեղծությունների ժողովածուն:
Ռեյ Բրեդբըրիի «Ֆարենհայթ 451»-ը ութերորդն է:
Շվեյցարացի ժամանակակից հեղինակ Հանսյորգ Շերթենլայբի «Գիշերային լողորդը» վեպն իններորդ տեղում է:
Ամենավաճառվածների ցանկը եզրափակում է բրազիլացի գրող Պաուլո Կոելյոի «Ալքիմիկոսը»:
Source: Yerkir Media
Link: «Երևանյան բեսթսելեր»․ ամենավաճառված գրքերն այս շաբաթ