Եթե Հայաստանի ձեզ հայտնի վայրերում ձնածածկույթ չեք գտնում դահուկային սպորտի համար, ապա երկար մի մտորեք ու ճանապարհորդեք դեպի Աշոցք: Ձմեռային մարզաձեւերը Հայաստանում զարգանալու միտում ունեն, մասնավորապես՝ մեր երկրի հյուսիսային հատվածում կան բոլոր պայմանները դահուկա-սպորտը զարգացնելու համար: Պատահական չէ, որ մոտ մեկ ամսից մեկնարկող ձմեռային օլիմպիական խաղերում Հայաստանի մասնակիցը Աշոցքից է, որտեղ էլ անցած հանգստյան օրերին տեղի ունեցավ կարեւոր վարկանշային մրցաշար: Այնտեղ էր ուղեվորվել նաեւ մեր նկարահանող խումբը:
