Հուլիսի 17-ին Կապանի ԼՀԿ-ում հանդիսավորությամբ նշվեց Հանքագործի և մետալուրգի օրը: Ընկերության գլխավոր տնօրենի կողմից Հանքագործի և մետալուրգի օրվա առթիվ մասնագիտական բարձր վարպետության, բարեխիղճ աշխատանքի, նախաձեռնության, արտադրության արդյունավետության բարձրացման գործում ներդրում ունենալու համար ընկերության 10 աշխատակից ստացան շնորհակալագրեր եւ նվերներ:
Պարգևատրվեցին նաեւ Հանքագործի և մետալուրգի օրվան ընդառաջ ձեռնարկությունում առաջին անգամ անց կացված մասնագիտական վարպետության մրցույթների հաղթողները: Հանքի տարբեր մասնագիտության (ապարաբարձչի մեքենավար, բեռնատարի վարորդ, հորատող եւ բումերի մեքենավար) թվով 12 աշխատակիցներ «Պոլիմետալիե արտադրության գծով փոխտնօրեն Վիտալի Սավչենկոյի կողմից ստացան դիպլոմներ եւ նվերներ:
Առանց նվեր չմնացին նաեւ մրցույթի մասնակիցները: Բոլոր պարգեւատրվողները ընկերության գլխավոր տնօրեն Դ.Ուշկովի կողմիից կարժանանան նաեւ պարգևավճարների: Որպես ավանդույթ, միջոցառման ավարտին հնչեց «Պոլիմետալիե հիմնը, եւ բաց թողվեցին ընկերության տարբերանշանի գույներով փուչիկներ:
Source: Yerkir Media
Link: Կապանի ԼՀԿ-ում հանդիսավորությամբ նշվեց Հանքագործի եւ մետալուրգի օրը
