Այսօր Մահացել է հայկական արտադրության երախտավոր Մարատ Ջանվելյանը՝ «Արզնի» գյուղատնտեսական մթերքների արտադրությամբ զբաղվող ընկերության հիմնադիրը։
Տավուշի մարզի Կոթի գյուղում ծնված Մարատ Ջանվելյանը միշտ էլ պահել է կապը ծննդավայրի հետ։ Ստանալով գյուղատնտսական կրթություն, նա աշխատանքային գործունեությունը սկսել եւ շարունակել է տարբեր արտադրություններում, երկար տարիներ աշխատելով Հայաստանի թռչնաբուծական խոշորագույն՝ Սովետաշենի ֆաբրիկայում, արտադրության պետից հասնելով մինչեւ գլխավոր տնօրեն։
Մեծ աջակցություն է ցուցաբերել հայրենի կոթիի ինքնապաշտպանությանը 90-94 թվականներին, միաժամանակ այնեղ հիմնելով մեծ արտադրություն։ 1996թ. Մարատ Ջանվելյանը ստեղծել է «Արզնի»ընկերությունը, որը հանդիսանում է Հայաստանի խոշորագույն թռչնա-անասնապահական համալիրը: ՀՀ նախագահի 2001թ.սեպտեմբերի 20-ի հրամանագրով պարգեւատրվել է «Անանիա Շիրակացի» մեդալով։
Մարատ Ջանվելյանի հոգեհանգիստը տեղի է ունենալու Նոր Նորքի սուրբ Սարգիս եկեղեցում, երկուշաբթի 17։30-ից սկսյալ։
