Չինաստանում փրկարարները 33 հանքափորի մարմին են հայտնաբերել
November 2, 2016
Փրկարարները հայտնաբերել են 33 հանքափորների մարմինները, որոնք արգելափակվել էին գետնի տակ՝ Չինաստանի Չունցին քաղաքի մոտ գտնվող ածխի հանքահորում տեղի ունեցած պայթյունից հետո: Այդ մասին հայտնել են Չինաստանի պետական զանգվածային լրատվամիջոցները:
Միջադեպը տեղի էր ունեցել հոկտեմբերի 31-ին: Ավելի քան մեկ օր փրկարարները փորձում էին հասնել հանքահորում արգելափակված աշխատողներին:
Ինչպես հաղորդել Է People’s Daily թերթը, բոլոր հանքագործների մարմինները բարձրացվել են վեր եւ ճանաչվել: Հանքահորի սոսկ երկու աշխատողներ են այնտեղից ողջ դուրս եկել:
Տեղի իշխանություններն սկսել են միջադեպի հետաքննությունը, մերձակա հանքահորերից մի քանիսը ժամանակավորապես դադարեցրել են իրենց աշխատանքը:
Չինաստանն ածխի արդյունահանման եւ սպառման առաջատարն է աշխարհում: Այն հանքահորում, որտեղ պայթյուն էր տեղի ունեցել, տարեկան արդյունահանվում էր շուրջ 60 հազար տոննա ածուխ:
