Tert.am-Ամերիկյան CBS News հեռուստաալիքն ուղիղ եթերի շրջանակում ցուցադրել է ԱՄՆ-ի նախագահական մրցապայքարի դեմոկրատ մասնակից Հիլարի Քլինթոնի շտաբում արված տեսանյութը, որում երևում է, թե ինչպես են նախկին պետքարտուղարի աջակիցները տխրել ընտրությունների նախնական արդյունքների պատճառով:
Հայտնի է, որ տեսանյութը հրապարակվել է CBS News-ի թվիթերյան միկրոբլոգում:
Տեսանյութը նկարահանվել է այն ժամանակ, երբ հրապարակվել են հանրապետական Դոնալդ Թրամփի՝ նահանգների մեծ մասում առաջատար լինելու լուրերը:
Քլինթոնի աջակիցներից շատերը չեն կարողացել զսպել արցունքները, քանի որ ի սկզբանե համարել են, թե իրենց թեկնածուն է ընտրություններում լինելու առաջատարը:
Նշենք, որ նախագահի պաշտոնը ստանալու համար թեկնածուն պետք է հավաքի ընտրիչներից 270-ի ձայնը:
Emotions are running high at the Clinton headquarters as Trump’s lead increases #ElectionNight #CBSElection https://t.co/ZzSscaUjo5 pic.twitter.com/IgbTQd6TrI
— CBS News (@CBSNews) November 9, 2016
Source: Yerkir Media
Link: Քլինթոնի աջակիցները չեն կարողանում զսպել արցունքները (տեսանյութ)
