ԱԺ քառօրյա. օրակարգի սպառումից հետո կհրավիրվի արտահերթ նիստ. ՈՒՂԻՂ
February 8, 2018
Ազգային ժողովում մեկնարկել է խորհրդարանական հերթական քառօրյայի երրորդ նիստը: Գրանցվել է 98 պատգամավոր:
Նիստի մեկնարկին քվեարկության կդրվեն նախորդ օրը քննարկված հարցերը, որից հետո երկրորդ ընթերցմամբ կքննարկվեն մի շարք նախագծեր, ինչով հերթական քառօրյայի օրակարգը կսպառվի:
Քառօրյայի օրակարգի սպառումից հետո, օրենսդիրը կշարունակի աշխատանքը, քանի որ կառավարության նախաձեռնությամբ ՀՀ ԱԺ նախագահն արտահերթ նիստ է հրավիրել, որը կմեկնարկի քառօրյա նիստերի օրակարգի սպառումից անմիջապես հետո:
Կառավարության հրավիրած արտահերթ նիստի օրակարգում ներառված են այնպիսի օրենսդրական նախաձեռնություններ, ինչպիսիք են աջ ղեկային համակարգ ունեցող մեքենաների ներմուծումն արգելող նախագիծը, Անվտանգության խորհրդի կազմավորման, «Ներման մասին», Հանրային խորհրդի մասին և մի շարք այլ նախագծեր:
