Ամենավաճառված տասը գրքերը

«Արմենպրես» լրատվական գործակալության «Երևանյան բեսթսելեր» հեղինակային նախագծի վարկանիշային աղյուսակը գլխավորում է Էդգար Հարությունյանի «Չգտնված երիցուկներ» ժողովածուն:

Երկրորդ հորիզոնականում Գրիգոր Նարեկացու «Մատյան ողբերգության» պոեմն է:

Ամենավաճառվածների ցանկ է վերադարձել և երրորդ հորիզոնականը զբաղեցրել  Ջոն Բոյնի «Զոլավոր գիշերազգեստով տղան» ստեղծագործությունը:

Մի քանի հորիզոնականով իր դիրքերը զիջել և չորրորդ տեղն է գրավել Մարկ Արենի «Այնտեղ, որտեղ ծաղկում են վայրի վարդեր» գիրքը:

Դավիթ Սամվելյանի «Ռոդենի ձմեռը» այս շաբաթ հինգերորդն է:

Գի դը Մոպասանի «Ընտիր նովելներ»-ը բարելավել է իր դիրքերը և վեցերորդն է:

Էդգար Հարությունյանի «Նվիրվելու արվեստը կամ ձոն վարդին» բանաստեղծությունների ժողովածուն  յոթերորդն է:

Անգլիացի գրող Օսկար Ուայլդի «Դորիան Գրեյի դիմանկարը» տեղծագործությունը ութերորդն է:

Իններորդ տեղում Դանիել Գլաթաուերի «Հավերժ քոնը» վեպն է։

Ամենավաճառվածների ցանկը եզրափակում է Գրիգոր Նարեկացու «Մատյան ողբերգության: Տաղեր» գիրքը:

Source: Yerkir Media
Link: Ամենավաճառված տասը գրքերը