Ամերիկյան կինոակադեմիայի ղեկավարը սեռական ոտնձգությունների մեջ է մեղադրվում
March 17, 2018
«Օսկար» մրցանակը շնորհող Կինեմատոգրաֆիայի ամերիկյան ակադեմիան հետաքննություն է սկսել Ջոն Բեյլիի նկատմամբ․ նա մեղադրվում է սեռական ոտնձգությունների մեջ։
Ըստ տեղեկությունների՝ ակադեմիայի 75-ամյա նախագահի դեմ մեղադրանքներ են ներկայացրել երեք կանայք:
Ավելի վաղ՝ նախորդ տարվա հոկտեմբերին, ակադեմիան մրցանակը շնորհող հանձնաժողովից հեռացրել էր սեռական ոտնձգությունների մեջ մեղադրվող Հարվի Վայնշտեյնին:
Ավելի ուշ կինոակադեմիան վարքի նոր կանոնակարգ սահմանեց, որի համաձայն՝ ակադեմիայի անդամները կարող են պատիժների ենթարկվել կամ էլ զրկվել իրենց կարգավիճակից՝ խտրականություն ու ոտնձգություններ կատարելու դեպքում:
