Առաջին հանրապետության հռչակումից հետո՝ դժվարագույն աշխարհաքաղաքական եւ ռազմական կացության մեջ կառավարությունն իր առաջնակարգ խնդիրներից է համարել պետական անվտանգության ապահովումը՝ մասնավորապես հատուկ ծառայությունների կազմակերպումը: Կառավարությունն իր սուղ բյուջեից միջոցներ է հատկացրել հետախուզական եւ հակահետախուզական բաժանմունքի ստեղծման համար:
Ազգային անվտանգության ծառայության թանգարանում Առաջին հանրապետությանը նվիրված ցուցադրության մեջ ներկայացված են նյութեր հատուկ ծառայությունների կազմավորման, գործունեության, գրանցած արդյունքների եւ բացահայտած գործերի մասին:
