Բնապահպանության նախարարությունը կոչ է անում միանալ «Մաքուր Հայաստան»-ին
May 26, 2017
2017թ. մայիսի 27-ին Հայաստանի Հանրապետության ողջ տարածքում մեկնարկում է «Մաքուր Հայաստան» ծրագիրը: ՀՀ բնապահպանության նախարարությունը կոչ է անում միավորել բոլորիս ուժերը Հայաստանի բնական լանդշաֆտներում, պատմամշակութային վայրերի և կոթողների հարակից տարածքներում, բնակավայրերում և ճանապարհաեզրերին կուտակված աղբից մաքրելու գաղափարի շուրջ` նպատակ ունենալով առավել գրավիչ դարձնել բնության և պատմամշակութային հուշարձանները:
«Մաքուր Հայաստան» ծրագրի համապետական շաբաթօրյակի շրջանակներում ՀՀ բնապահպանության նախարարության աշխատակազմի աշխատակիցները մաքրման աշխատանքներ կիրականացնեն «Խոսրովի անտառ պետական արգելոց»ՊՈԱԿ-ի «Հավուց թառ» վանական համալիրի հարակից տարածքում:
Նույն օրը միջոցառումներ կիրականցվեն նաև ՀՀ բնապահպանության նախարարության ենթակայության տակ գտնվող բոլոր բնության հատուկ պահպանվող տարածքներում և հարակից հատվածներում:
