Հունվարի 28-ին Լոս Անջելեսում ՀՀ Գլխավոր հյուպատոսությունը Իրանահայ միության հետ համատեղ Գլենդելում կազմակերպել էին Հայաստանի Զինված ուժերի կազմավորման 26-ամյակին նվիրված հանդիսավոր միջոցառում:
Ներկաներին Հայաստանի Զինված ուժերի անցած ճանապարհն ու ձեռքբերումները ներկայացրել են Ապրիլյան պատերազմի մասնակիցներ, Մարտական խաչի ասպետներ Մարատ Պետրոսյանը եւ Նարեկ Մալխասյանը։
Հայաստանի Զինված ուժերի կազմավորման 26-ամյակի կապակցությամբ ՀՀ պատվիրակությանը ընդունել է Գլենդելի քաղաքապետ Վարդան Կարապետյանը։
Այդ մասին տեղեկացնում է ՀՀ պաշտպանության նախարարի մամուլի քարտուղար Արծրուն Հովհաննիսյանը, ով հայկական պատվիրակության կազմում է:
