Դավիթ Բաբայան. «Հայկական կողմը երբեք չի թիրախավորել քաղաքացիական անձանց»
July 5, 2017
Արցախի Հանրապետության նախագահի մամուլի քարտուղար ԴավիթԲաբայանը «Երկիր Մեդիա» հ/ը պարզաբանումներ է ներկայացրել հուլիսի 4-ի երեկոյան արցախա-ադրբեջանական սահմանին տեղի ունեցած իրադարձությունների եւ ադրբեջանական կողմի շահարկումների, մասնավորապես, օգտագործված զինատեսակների վերաբերյալ:
Զրույցի ընթացքում Դավիթ Բաբայանը մասնավորապես տեղեկացրեց, որ ԱՀ ՊԲ-ի տրամադրության տակ կան տեսաձայնագրություններ, որոնք փաստում են, թե ով է նախահարձակ կողմը իրականում:
Իսկ ինչ վերաբերում է խաղաղ բնակիչներին իբր թե գնդակոծելուն, հակառակորդը հերթական ապատեղեկատվությունն է տարածել. հայկական կողմը երբեք չի թիրախավորել քաղաքացիական անձանց,- տեղեկացրեց Դավիթ Բաբայանը:
