ՀՀ արտակարգ իրավիճակների նախարարությունը փետրվարի 8-ին, ժամը 16.23-ին տեղեկություն է ստացել, որ Երևան քաղաքի Սարալանջի պողոտա-Ա. Ավետիսյան փողոցի սկզբնամասում տեղի է ունեցել քարաթափում, ինչի հետևանքով վնասվել են «Renault Logan» և «Nissan Tida» մակնիշի ավտոմեքենաները․ անհրաժեշտ է փրկարարների օգնությունը։
Դեպքի վայր է են մեկնել ճգնաժամային կառավարման ազգային կենտրոնի արագ արձագանքման խումբը և մեկ մարտական հաշվարկ:
Ինչպես տեղեկացավ ՀՀ արտակարգ իրավիճակների նախարարության պաշտոնական կայքից, պարզվել է, որ տեղի է ունեցել քարաթափում. մոտակայքում կայանված են եղել «Անի» տաքսի ծառայությանը պատկանող մասամբ վնասված «Renault Logan» մակինիշի 436 ՕM 61, «Nissan Tida» 82 QQ 084 պետհամարանիշերի ավտոմեքենաները:
Փրկարարները հեռացրել են քարերը ճանապարհի երթևեկելի հատվածից:
