Երևան-Մոսկվա որոշ չվերթներ այսօր հետաձգվել են՝ Մոսկվայում եղանակային անբարենպաստ պայմանների պատճառով:
«Զվարթնոց» օդանավակայանի պաշտոնական կայքէջից տեղեկանում ենք, որ մոտ 4 ժամով հետաձգվել են «Ուրալ Էյրլայնս» ընկերության և «Աերոֆլոտի» չվերթները: Ընդ որում՝ հետաձգվել են թե՛ Մոսկվայից ժամանող, թե՛ այնտեղ մեկնող չվերթները:
Վերջին օրերին Մոսկվայում տեղացող ձյունը լուրջ խոչընդոտ է դարձել թե՛ բնակիչների ու տրանսպորտի տեղաշարժի, թե՛ օդանավակայանների աշխատանքի համար:
Source: Yerkir Media
Link: Երևան-Մոսկվա որոշ չվերթներ հետաձգվել են
