Թրամփի եւ Կիմ Չեն Ինի բանակցությունների նախապատրաստումը կտեւի մի քանի շաբաթ. Թիլերսոն
March 9, 2018
ԱՄՆ-ի նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ինի միջեւ բանակցությունների նախապատրաստումը կտեւի «մի քանի շաբաթ»:
Այդ մասին հայտարարել է ԱՄՆ-ի պետքարտուղար Ռեքս Թիլերսոնը, ով գտնվում է Ջիբուտիում: «Դա այն որոշումն է, որն ընդունել է անձամբ նախագահը: Ես նրա հետ այդ որոշումը քննարկել եմ այսօր վաղ առավոտյան, եւ մենք շատ լավ զրույց ունեցանք»,-հայտարարել է Թիլերսոնը:
Ավելի վաղ հայտնի է դարձել, որ ԿԺԴՀ-ի առաջնորդն ԱՄՆ-ի նախագահին առաջարկել է անձնական հանդիպում անցկացնել, եւ Դոնալդ Թրամփը համաձայնել է: Սպիտակ տան մամուլի քարտուղար Սառա Սանդերսը հայտնել է, որ Կիմ Չեն Ինի հետ ԱՄՆ-ի նախագահի հանդիպման վայրն ու ժամանակը կորոշվեն ավելի ուշ:
