Ինդոնեզիայում երկրաշարժի հետեւանքով մոտ 12 հազար հինություն է ավերվել

Ինդոնեզիայի Աչեխ ամենաարեւմտյան նահանգում դեկտեմբերի 7-ին տեղի ունեցած 6,5 մագնիտուդով երկրաշարժի հետեւանքով ավերված կամ վնասված շինությունների ընդհանուր թիվը մոտեցել է 12 հազարի: Այդ մասին հայտնել է Ինդոնեզիայի տարերային աղետների հետեւանքների վերացման ազգային վարչության օպերատիվ կենտրոնի աշխատակից Յույոն Յուհանան:

«Ստացված զեկույցների համաձայն՝ դեկտեմբերի 9-ի առավոտվա դրությամբ վնասված շինությունների ընդհանուր թիվը կազմում է 11 հազար 730: Դրանցից 2 հազար 929-ը լուրջ վնասվածքներ են ստացել»,- փրկարարի խոսքը մեջբերել է Detik.com լրատվական պորտալը: Յուհանայի խոսքով՝ տարերքի հարվածից զոհվածների թիվը մնում է 102: Ծանր վերքեր են ստացել 136 աչեխցիներ, թեթեւ վիրավորվել է 616 բնակիչ:

Ըստ BNPB-ի վերջին տվյալների՝ ներկայում տարահանվածների ընդհանուր թիվը 11 հազար 142 է: Սակայն նրանցից ոչ բոլորն են զրկվել օթեւանից. շատերը երկյուղում են տուն վերադառնալ՝ շարունակվող հետցնցումների պատճառով, հաղորդել է ՌԻԱ Նովոստին:


Source: Yerkir Media
Link: Ինդոնեզիայում երկրաշարժի հետեւանքով մոտ 12 հազար հինություն է ավերվել

Your generosity empowers our advocacy, inspires our work, and sustains our momentum.
DONATE NOW!
close-image