«Իսլամական պետություն ծայրահեղական խմբավորումը դեկտեմբերի 20-ին ստանձնել է Բեռլինի սուրբծննդյան տոնավաճառում կատարված ահաբեկչական գործողության պատասխանավությունը:
Համացանցում ԻՊ-ի տեղեկատվական ռեսուրսների միջոցով տարածված հաղորդագրության մեջ ասված է, որ նախօրյակին մարդկանց վրաերթի է ենթարկել «Իսլամական պետության մարտիկը»:
Դեկտեմբերի 19-ի երեկոյան Բեռլինում Վիլհելմ կայսեր հիշատակի եկեղեցու մերձակա սուրբծննդյան տոնավաճառում մարդկանց բազմության մեջ է մխրճվել բեռնատար ավտոմեքենան: Բեռնատարը 50-80 մետր անցել է տոնավաճառի տարածքում՝ բազմության մեջ մխրճվելով 60-80 կիլոմետր/ժամ արագությամբ: Ըստ վերջին տվյալների, ողբերգության հետեւանքով զոհվածների թվաքանակը հասել Է 12-ի, եւս 50 հոգի հոսպիտալացված է:
Գերմանիայի ՆԳ նախարարությունը Բեռլինի տոնավաճառում տեղի ունեցածը որակել է ահաբեկչություն, հաղորդել է «Ինտերֆաքս»-ը:
Source: Yerkir Media
Link: ԻՊ-ը ստանձնել է Բեռլինում սուրբծննդյան տոնավաճառի ահաբեկչության պատասխանատվությունը
