Լեռնանիստի պայթյունից փլուզված խանութի մոտ հայտնաբերվել է գազի մեծ արտահոսք
March 1, 2017
Փետրվարի 14-ին Լեռնանիստ գյուղում 2 անձի մահվան պատճառ դարձած խանութի փլուզման պատճառները պարզելու համար Կոտայքի մարզային քննչական վարչությունում շարունակվում են իրականացվել անհրաժեշտ քննչական գործողություններ: Քննչական կոմիտեից հայտնում են, որ փլուզված շինության հարակից տարածքում մարտի 1-ին կատարվել է տեղանքի զննում եւ պարզ է դարձել, որ շինության հետնամասի հատվածում առկա է գազի մեծ արտահոսք:
Նշված տարածքում գտնվում են բնակելի տներ եւ գյուղի միջնակարգ դպրոցը, որի աշակերտները ու ուսուցչակազմը տարհանվել են, տարածքի գազամատակարարումն անմիջապես դադարեցվել է, լրացուցիչ մասնագետներ է տրամադրվել մարտի 2-ին նշված տեղանքում ստորգետնյա գազատար խողովակները հողից մաքրելու, գազի արտահոսքի աղբյուրը պարզելու եւ տեղում վերացնելու նպատակով:
