Հալեպն ավիահարվածների թիրախում է հայտնվել. կան զոհեր

Սիրիայի կառավարական բանակն այսօր հայտնել է Հալեպի արեւելյան շրջանների ազատագրման գործողություն սկսելու մասին. փոխանցում է ՍԱՆԱ գործակալությունը:

Արեւմտյան լրատվամիջոցները, վկայակոչելով Բրիտանիայում հիմնված մարդու իրավունքների դիտորդական խմբին, հայտնում են, որ այդ հայտարարությունից ժամեր անց Հալեպն ավիահարվածների թիրախում է հայտնվել: Զոհեր կան: Հարձակման պատասխանատուն էլ, դիտորդների պնդմամբ, սիրիական կամ ռուսական օդային ուժերն են:

Ռուսաստանն աջակցում է Սիրիայի նախագահ Ասադի ռեժիմին, Միացյալ Նահանգներն էլ՝ սիրիական ընդդիմությանը: Սիրիայում չդադարող բախումների ու հարձակումների համար մեկը մյուսին է մեղադրում:

Source: Yerkir Media
Link: Հալեպն ավիահարվածների թիրախում է հայտնվել. կան զոհեր