Մոսկվայում գարեջրի վաճառքի կետի մոտ 3 երիտասարդներ դանակահարելով սպանել են վաճառակետի սեփականատիրոջը` 69-ամյա հայ Լեւ Քամալյանին եւ նրա օգնականին` ղրղզստանցի 36-ամյա Նուրիկ Մունդուզովին:
Տեսախցիկը ֆիքսել է ենթադրյալ հանցագործին՝ փախչելիս: Ոստիկանությունը փնտրում է սպանությունը կատարած անձանց: Շրջանառվում է ազգային հողի վրա սպանության վարկածը: Այս մասին հայտնում է MK.ru-ն:
Ըստ նախնական տվյալների՝ հանցագործները սափրագլուխներ են եղել: Նշվում է, որ նրանց հագին եղել են զինվորական կոշիկներ, որը իրենց տարբերանշանն է:
