«Արմենպրես» լրատվական գործակալության «Երևանյան բեսթսելեր» հեղինակային նախագծի վարկանիշային աղյուսակը գլխավորում է Էդգար Հարությունյանի «Չգտնված երիցուկներ» ժողովածուն:
Մեկ հորիզոնականով իր դիրքերը բարելավել և երկրորդ տեղում է հայտնվել Մարկ Արենի «Այնտեղ, որտեղ ծաղկում են վայրի վարդեր» գիրքը:
Ամենավաճառվածների ցանկ է վերադարձել և երրորդ հորիզոնականը զբաղեցրել Ջոն Գրինի «Աստղերն են մեղավոր» ստեղծագործությունը:
Չորրորդ տեղում Սպենսեր Ջոնսոնի «Ո՞ւր է իմ պանիրը» գործն է, որն աշխարհում ամենաշատ ընթերցված գրքերից է:
Ջոն Բոյնի «Զոլավոր գիշերազգեստով տղան» այս շաբաթ հինգերորդն է:
Օսկար Ուայլդի «Դորիան Գրեյի դիմանկարը» հանրահայտ ստեղծագործությունն այս անգամ վեցերորդն է:
Բրազիլացի գրող Պաուլո Կոելյոյի լավագույն ստեղծագործություններից մեկը` «Ալքիմիկոսը», բարելավել է իր դիրքերը և յոթերորդն է:
Ռեյ Բրեդբըրիի «Ֆարենհայթ 451»-ը զիջել է իր դիրքերը` ութերորդն է:
Արմեն Նիազյանի «Բռնիր ձեռքս. ես վախենում եմ» գիրքն իններորդն է:
Ամենավաճառվածների աղյուսակը եզրափակում է ամերիկացի գրող Ֆրենսիս Սքոթ Ֆիցջերալդի «Մեծն Գեթսբին»:
Source: Yerkir Media
Link: «Չգտնված երիցուկներ» ժողովածուն գլխավորում է ամենավաճառվածների ցանկը
