Չեխիայում, երեք շաբաթվա ընթացքում, գրիպի համաճարակից 50 մարդ է մահացել:
«Գրիպը հատկապես ծանր տանում են մեծահասակները, որոնց մոտ այն սովորաբար զուգակցվում է այլ հիվանդությունների հետ, այդ իսկ պատճառով 50 մահացածներից 43-ը 60-ից բարձր տարիքի են եղել, մյուսները՝ 25-59 տարեկան»,- նշվում է Չեխայի պետական բժշկական ինստիտուտի հաղորդագրության մեջ:
Բժիշկների ենթադրությամբ՝ համաճարակը դեռ մի քանի շաբաթ շարունակվելու է, բայց սրացման շրջանն արդեն անցել է:
