Ռուսաստանի նախագահ Վլադիմիր Պուտինը շաբաթվա վերջին մտադիր է այցելել Ղրիմ, գրում է ՌԲԿ-ն: Այս տեղեկությունը հաստատել են Ղրիմից և Հարավային դաշնային շրջանից:
Հաղորդագրությունում ասվում է, որ Պուտինը այցի ժամանակ պետք է զրուցի տեղի պաշտոնյաների հետ, ապա այցելի «Թավրիադա» պատանեկան ճամբար:
Կրեմլի մամուլի ծառայությունը չի կարողացել ստույգ տեղեկություններ տալ, իսկ Ղրիմի փոխվարչապետ Դմիտրիյ Պոլոնսկին հրաժարվել է մեկնաբանել լուրը:
Օգոստոսի 10-ին Ռուսաստանի ԱԴԾ-ն հայտարարել էր Ղրիմում ուկրաինական զինվորականների կողմից դիվերսիաների և ահաբեկչությունների կանխման մասին: Հատուկ գործողությունների ընթացքում տեղի է ունեցել ռազմական ընդհարում, որի հետևանքով սպանվել են ՊՆ և ԱԴԾ աշխատակիցներ: Իսկ Ուկրաինան հերքում է բոլոր մեղադրանքները և իր ներգրավածությունն այս իրադարձություններում:
