Սիրիայի նախագահ Բաշար Ասադը նախօրեին աշխատանքային այցով Սոչիում էր: Այնտեղ կայացել են Ասադի եւ նրա դաշնակցի՝ Ռուսաստանի նախագահ Վլադիմիր Պուտինի բանակցությունները:
Պուտինի խոսնակ Դմիտրի Պեսկովը հայտնել է, որ Պուտինն Ասադին շնորհավորել է ահաբեկչական խմբավորումների դեմ պայքարում Սիրիայի կառավարական բանակի զգալի հաջողությունների կապակցությամբ: Նախագահներն ընդգծել են, որ սիրիական ճգնաժամի քաղաքական կարգավորումը վերսկսելու համար անհրաժեշտ են լրացուցիչ պայմաններ:
