Շրի Լանկայում կա ժայռակերտ մի բարձունք, որը ծովի մակարդակից բարձր է 370 մետր, իսկ հարաբերական բարձրությունը կազմում է 170 մ: Այդ բարձունքը Սիգիրիան է, որը նաև ներառված է ՅՈՒՆԵՍԿՕ-ի Համաշխարհային պահպանության ֆոնդում:
5-րդ դարի վերջին քառորդում Կասապա թագավորն այս ժայռի գագաթին կառուցել է անառիկ ամրոց ու պալատներ՝շրջափակված արհեստական ջրավազաններով:
Ժայռի շուրջը թագավորը տնկել է տվել անվերջանալի այգիներ՝աշխարհում իրենց նմանը չունեցող շատրվաններով: Ժայռի գագաթ տանող ճանապարհին Կասապան կառուցել է առյուծաձև հսկա դարպասներ. առյուծի երախն էլ եղել է մուտքը: Այժմ այդ առյուծի թաթերն են միայն պահպանվել:
Մինչև Կասապայի թագավորությունն ու դրանից հետո Սիգիրիայի գագաթին եղել է բուդդայական տաճար:
Սիգիրիան հայտնի է նաև իր բազմաթիվ որմնանկարներով, որոնք հիմնականում պատկերում են մերկ նաժիշտներին ու նրանց տիրուհիններին:
