2016թ կառավարության վերջին նիստում վարչապետը հնչեցրեց ավանդական հանձնատարականները։
Առաջին հանձնարարականները Աշխատանքի և սոցիալական հարցերի նախարար Արտեմ Ասատրյանին: Վարչապետը հանձնարարեց մեխանիզմներ մշակվել, որպեսզի որոշում ընդունողներն ու քաղաքացիները իրար հետ չշփվեն:
Վարչապետը հորդորեց գործուն քայլեր իրականացնել կոռուպցիոն երևույթները վերացնելու ուղղությամբ:
Բացի դրանից, հանձնարարականներ եղան զբաղվածության պետական տեսչությունների գործունեության, նպաստների մշակման վերաբերյալ:
«Ակնկալում ենք ավելի պարզեցված համակարգ, ավելի արդյունավետ գումարների հատկացում: Մենք ստեղծել ենք մի համակարգ, որտեղ աշխատող մարդը ցանկություն չունի աշխատանք փնտրելու, այլ ամեն ինչ անում է, որ հայտնվի սոցիալական նպաստի դաշտում»,- ասաց Կարապետյանը։
Source: Yerkir Media
Link: Վարչապետը հորդորել է քայլեր իրականացնել կոռուպցիոն երևույթները վերացնելու ուղղությամբ
