The Rolling Stones խմբի առաջնորդ Միք Ջագերը, ով հուլիսին բոլորել է 73-ամյակը, ութերորդ անգամ հայր է դարձել: Այդ մասին հաղորդում է Press Association-ը:
Սա Ջագերի և նրա ընկերուհու` բալետի 29-ամյա պարուհի Մելանի Հեմրիկի ընդհանուր առաջին երեխան է: Ջագերը և Հեմրիկը միմյանց հետ են 2014 թվականից: Մելանիի հղիության մասին հայտնի է դարձել հուլիսին:
Այսպիսով, Միք Ջագերը դարձել է ութ երեխաների հայր հինգ կանացից: Նա նաև ունի հինգ թոռ և մեկ ծոռ: Երաժիշտը պաշտոնապես ամուսանցել է ընդամենը մեկ անգամ` Բյանկա Ջագերի հետ: Նրանց ամուսնությունը տևել է ութ տարի:
Source: Yerkir Media
Link: 73-ամյա Միք Ջագերն ութերորդ անգամ հայր է դարձել
