Դեմոկրատական կուսակցությունից ԱՄՆ-ի նախագահի թեկնածու Հիլարի Քլինթոնը, որը սեպտեմբերի 15-ին վերսկսել է ընտրարշավը, ասել է, որ թոքաբորբի պատճառով եռօրյա հարկադրական դադարն իրեն օգնել է ավելի լավ հասկանալու, թե հանուն ինչի է ինքը պայքարում պետության ղեկավարի պաշտոնի համար, տեղեկացնում է BBC-ին:
«Ես իմ թեկնածությունն առաջադրում եմ բոլոր նրանց համար, ովքեր առանց ձեռքները ծալելու աշխատում են՝ իրենց ընտանիքին օգնելու համար: Բոլոր նրանց համար, ովքեր, ծանր հարված ստանալով, կարողացել են վերստին ոտքի կանգնել»,- ասել է Քլինթոնը՝ սեպտեմբերի 11-ին Նյու Յորքում տեղի ունեցած այն միջադեպից հետո հասարակության առջեւ իր առաջին ելույթում, երբ իրեն վատ է զգացել 2001 թվականի ահաբեկչական գործողությունների զոհերի հիշատակին կազմակերպված սգո արարողության ժամանակ:
«Տանը նստելը, թերեւս, վերջին բանն է, ինչով ես կցանկանայի զբաղվել»,- ասել է Քլինթոնը: Նա հավելել է, որ իրեն լավ է զգում:
Քլինթոնի բուժող բժիշկ Լիսա Բարդաքը նախօրյակին հասկացրել է, որ Քլինթոնն առողջ է եւ պատրաստ է աշխատելու ԱՄՆ-ի նախագահի պաշտոնում:
Source: Yerkir Media
Link: Առաջադրվում եմ նրանց համար, ովքեր հարվածից հետո կարողացան ոտքի կանգնել. Քլինթոն
