Նոյեմբերի 16-ին, ՀՊՏՀ Ֆինանսատնտեսագիտական քոլեջում հյուրընկալվել էր Արցախյան ազատամարտի հերոս, գեներալ-մայոր Արկադի Տեր-Թադևոսյանը:
Գեներալ-մայոր Արկադի Տեր-Թադևոսյանը շրջել է բուհի տարածքում, ծանոթացել նախնական զինվորական պատրաստության առարկայի դասավանդման պայմաններին, այնուհետև ներկա է գտնվել քոլեջականների կազմակերպած միջոցառմանը, որտեղ ուսանողները ներկայացրել են իրենց կարողությունները շարային պատրաստության եւ զենքի քանդել-հավաքելու գործում:
Հանդիպումը շարունակվել է ռազմական պատրաստության լսրանում, որտեղ Արկադի Տեր-Թադևոսյանը ներկաներին պատմել է իր կյանքի ամենահետաքրքիր իրադարձությունների, Արցախյան հերոսամարտի օրերի դրվագների մասին՝ հիշելով մարտական ընկերներին և պատերազմի դժվարություններն ու դրան հաջորդած հաղթանակի բերկրանքը:
Հանդիպման ավարտին Արկադի Տեր-Թադևոսյանը պատասխանել է ուսանողներին հետաքրքրող հարցերին։
Source: Yerkir Media
Link: Արկադի Տեր-Թադեւոսյանը ուսանողների հյուրն էր
