Արտակարգ իրավիճակների նախարարություն դեկտեմբերի 2-ին, ժամը 17.54-ին տեղեկատվություն է ստացվել, որ Արագածոտնի մարզի Ալագյազ գյուղում ճանապարհատրանսպորտային պատահար է տեղի ունեցել։
ԱԻՆ կայքը հայտնում է, որ անհրաժեշտ է եղել փրկարարների օգնությունը, և դեպքի վայր է մեկնել մեկ մարտական հաշվարկ։
Պարզվել է, որ բախվել են «Մերսեդես C180» մակնիշի 34 MV 922 պետհամարանիշի (վարորդ` Ա. Թ. 1986 թ. ծնված) և «Ֆորդ» մակնիշի 03 ՕՕ 688 պետհամարանիշի (վարորդ` Ա. Ս. 1964 թ. ծնված) ավտոմեքենաները:
Մինչ հրշեջ փրկարարների կանչի վայր հասնելը Ա. Թ.-ին և «Մերսեդես» մակնիշի ավտոմեքենայի ուղևորներ՝ Ա. Մ.-ին (1985 թ. ծնված), Ա. Մ.-ին (1985 թ. ծնված), Գ. Ի.-ին (ծնվ՝ 1982թ) և Լ. Մ.-ին (1988 թ. ծնված) տեղի ուժերով տեղափոխվել են Ապարանի ԲԿ, որտեղ Ա. Մ.-ը մահացել է:
Հրշեջ փրկարարները «Ֆորդ» մակնիշի ավտոմեքենայի ուղևոր` Ս. Վ.-ին (1963 թ. ծնված) ցուցաբերել են առաջին օգնություն և պադգարակով մոտեցրել շտապօգնության ավտոմեքենային, վերջինս հոսպիտալացվել է Ապարանի ԲԿ, որտեղ բժիշկները տուժածների առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենաները և փակել գազի բալոնի փականները:
Source: Yerkir Media
Link: Երևան-Վանաձոր ճանապարհին ավտոպատահար է տեղի ունեցել. կա 1 զոհ, 6 տուժած
