Հյուսիսային Կարոլինայում զինված անձը պատանդ է վերցրել ռեստորաններից մեկի հաճախորդներին

ԱՄՆ-ի հյուսիսային Կարոլինա նահանգի Չարլսթոն քաղաքի ռեստորաններից մեկում զինված անձը պատանդ է վերցրել հաճախորդներին։ Այս մասին հայտնում է «ՌԻԱ Նովոստին»՝ հղում կատարելով Fox News-ին։

Ըստ ականատեսի՝ աշխատողի հագուստով անհայտ անձը փակել է մուտքի դուռն ու ինքն իրեն հայտարարել «Չարլստոնի նոր թագավոր»։

Որոշ տվյալներով` ռեստորանում այդ պահին գտնվել են մոտ 30 հաճախորդներ։

Չարլսթոնի քաղաքապետ Ջոն Թեքլենբուրգը հայտնել է, որ զինվախծ անձը հաստատության աշխատակիցներից է: Նա կրակ է բացել՝ վիրավորելով մեկ մարդու: Տուժողը տեղափոխվել է հիվանդանոց, նրա վիճակի մասին տեղեկություններ չկան:

Ոստիկանությունը բանակցում է հանցագործի հետ՝ առաջարկելով նրան հանձնվել:

Source: Yerkir Media
Link: Հյուսիսային Կարոլինայում զինված անձը պատանդ է վերցրել ռեստորաններից մեկի հաճախորդներին