Հենրիխ Մխիթարյանը շարունակում է մնալ բրիտանական մամուլի ուշադրության կենտրոնում, այս անգամ հայ ֆուտբոլիստին անդրադարձել է «Պրեմիեր լիգայի աշխարհ» հաղորդումը:
Անգլիական «Մանչեսթեր Յունայթեդի» հայ կիսապաշտպան Հենրիխ Մխիթարյանն խոսել է Պրեմեր լիգայում իր ֆուտբոլային կուռքի մասին:
«Միշտ երկրպագել եմ Թիերի Անրիին, երբ նա հանդես էր գալիս «Արսենալում»: Անրին իմ ամենասիրելի խաղացողներից էր, որովհետև փոքր տարիքում նույնպես հարձակվող էի, այնուհետեւ դարձա կիսապաշտպան»,- ասել է Մխիթարյանը:
Հայաստանի հավաքականի ավագն անդրադարձել է նաեւ «Յունայթեդի» կազմում ելույթներին, ինչպես նաեւ անգլիական ֆուտբոլի առանձնահատկություններին:
«Մեծ պատիվ է խաղալ «Մանչեսթեր Յունայթեդում», քանի որ դա նման է երազի: Միշտ ուրախ եմ լինել մեկնարկային կազմում, փորձում եմ անել լավագույնն այս թիմի համար:
Անգլիական ֆուտբոլը տարբերվում է այլ առաջնություններից: Եթե հանդես ես գալիս Անգլիայում, Ֆրանսիայում, Գերմանիայում կամ Իսպանիայում, պետք է սովորես այդ առաջնություններին: Սկզբից բարդ էր, սակայն ամեն ինչ արեցի Պրեմիեր լիգայի ֆուտբոլիստ դառնալու համար: Մեծ աշխատանք եմ կատարել եւ փորձել եմ անել այն ամենը, ինչ մարզիչը պահանջել է»,- ասել է Հենրիխ Մխիթարյանը:
Source: Yerkir Media
Link: «Պրեմիեր լիգայի աշխարհ» հաղորդումն անդրադարձել է Հենրիխ Մխիթարյանին
