Այսօր կեսօրին Կառավարության նախաձեռնությամբ Ազգային ժողովի արտահերթ նիստ կգումարվի: Օրակարգում ընդգրկված են 4 միջազգային պայմանագիր եւ 15 օրինագիծ:
Նախագծերից մի քանիսը գործադիրը համարել է անհետաձգելի: Դրանց թվում է նաեւ «Հրազդան-Ցեմենտ» ընկերությանը հարկային եւ պարտադիր սոցապահովագրության վճարների գծով առաջացած տույժերից ազատելու մասին նախագիծը:
Վերջին քառօրյայում, քվորում չլինելու պատճառով, այս նախագծի երրորդ ընթերցմամբ քվեարկությունը տապալվեց: Կառավարությունն Ազգային ժողովին առաջարկել է նախագծի բոլոր երեք ընթերցումները կազմակերպել արտահերթ նիստի ընթացքում:
Source: Yerkir Media
Link: ԱԺ-ի արտահերթ նիստում կքննարկվի «Հրազդան-Ցեմենտ»-ին արտոնություններ տալու մասին նախագիծը
