«Արմենպրես» լրատվական գործակալության «Երևանյան բեսթսելեր» հեղինակային նախագծի վարկանիշային աղյուսակը կրկին գլխավորում է Նարինե Աբգարյանի «Մանյունյա» գիրքը:
Արամ Ավետիսի «Կույր կետադրություն» գործը երկրորդն է:
Գրիգի «Հիսուսի կատուն» վերադարձել է ցանկ և զբաղեցրել երրորդ պատվավոր հորիզոնականը:
Չորրորդ տեղում Վարդգես Պետրոսյանի «Ապրած և չապրած տարիներ» գիրքն է։
Լրագրող Հովիկ Աֆյանի «Միս ուտողները» գիրքը հինգերորդն է:
Վեցերորդ հորիզոնականն է զբաղեցրել ժամանակակից արձակագիր Հովհաննես Երանյանի «Մեղքի պարան» ստեղծագործությունը:
Մի քանի հորիզոնականով իր դիրքերը զիջել և յոթերորդ տեղում է հայտնվել Էդգար Հարությունյանի «Չգտնված երիցուկներ» ժողովածուն:
Անտուան դը Սենտ-Էքզյուպերիի «Մարդկանց երկիր»-ը ութերորդն է:
Ինչպես նախորդ, այնպես էլ այս շաբաթ իններորդ տեղում է Օրհան Փամուքի «Կարմրահեր կինը» վեպը:
Ամենավաճառվածների ցանկը եզրափակում է «Չքնաղ նոր աշխարհ» գիրքը:
Source: Yerkir Media
Link: Այս շաբաթ ամենավաճառված գիրքը Նարինե Աբգարյանի «Մանյունյա»-ն է
