Աշտարակի բժշկական կենտրոնը համալրվել է բուժտեխնիկայով եւ բժշկական պարագաներով: Դրանք նվիրատվություն են Ֆրեզնոյում Հայաստանի պատվո հյուպատոսարանից:
Բուժանձնակազմը ոգեւորված է, որ կենտրոնում աստիճանաբար հնարավոր կլինի իրականացնել բարձրակարգ բուժսպասարկում: Հատկապես, որ աջակցությունը բուժկենտրոնին լինելու է շարունակական:
Բարեգործության շրջանակում՝ Ֆրեզնոյից ժամանած մի խումբ բժիշկներ մեկ շաբաթ շարունակ բուժծառայություն են մատուցելու հիվանդանոցում: Բոլորը բարձրակարգ բժիշկներ են, բժշկական գիտությունների դոկտորներ՝ ուռուցքաբան, անոթային վիրաբույժ, գինեկոլոգ, ստոմատոլոգ եւ այլ մասնագետներ:
Բժշկական կենտրոնում օրական կատարվում է 10-ից 15 վիրահատություն:
Source: Yerkir Media
Link: Աշտարակի բժշկական կենտրոնը համալրվել է բուժտեխնիկայով
