Երեսունյոթամյա Նինա Թասելը լույս աշխարհ է բերել Ավստրալիայի ամենախոշոր նորածիններից մեկին, որը կշռում է 6կգ և ունի 59 սմ հասակ:
Ինչպես նշում է The Daily Mail-ը, Պերտում բնակվող ավստրալուհին խոստովանել է, որ ծննդաբերությունն այնքան արագ է եղել, որ ինքը նույնիսկ չի հասցրել հիվանդանոց հասնել:
Նշվում է, որ Թասելը որդուն ծննդաբերել է տանը՝ ամուսնու օգնությամբ: Կնոջ խոսքով՝ ողջ գործընթացը տևել է 1 ժամ:
«Քույրս ամուսնուս ցուցումներ էր տալիս հեռախոսով , իսկ ամուսինս էլ ասում էր, թե երբ պետք է ուժ տամ»,-պատմել է կինը, ում համար սա արդեն 4-րդ երեխան է:
Հայտնի է, որ ծննդաբերությունից հետո շտապօգնությունը եկել է և մորն ու երեխային հիվանդանոց տեղափոխել:
Source: Yerkir Media
Link: Ավստրալուհին 6 կգ քաշով երեխա է լույս աշխարհ բերել
