Արտակ Գրիգորյան. «Մոնտենեգրոյի հետ դժվար հանդիպում է սպասվում»
June 10, 2017
Ֆուտբոլի Հայաստանի ազգային թիմի կիսապաշտպան Արտակ Գրիգորյանի կարծիքով՝ Հայաստանի ընտրանուն դժվարին հանդիպում է սպասվում Մոնտենեգրոյի հետ:
«Տղաների տրամադրությունը բարձր է, և մենք եկել ենք այստեղ հաղթելու համար։ Իհարկե, բոլորս էլ գիտենք, որ Մոնտենեգրոն շատ ուժեղ թիմ է։ Դժվար հանդիպում է սպասվում։ Ինչ վերաբերում է իմ անցմանը, ապա դա թիմային խաղ է, իմ համար նշանակություն չունի, թե ով դա կանի, ես կամ մեկ այլ ֆուտբոլիստ։ Մենք թիմով ենք հաջողության հասնում»,- Գրիգորյանի խոսքերը մեջ է բերում ՀՖՖ-ն:
Հիշեցնենք, որ այսօր երեկոյան Երևանի ժամանակով 22:45-ին կկայանա Աշխարհի 2018 թ. առաջնության ընտրական փուլի Մոնտենեգրո-Հայաստան հանդիպումը:
