Բակո Սահակյան. «ԼՂՀ զինված ուժերը տարածաշրջանում ապահովում են խաղաղություն և կայունություն»
July 19, 2016
Տարածաշրջանում խաղաղություն եւ կայունություն ապահովող գործոններից մեկը Լեռնային Ղարաբաղի Հանրապետության զինված ուժերն են: Այս մասին Lenta.ru-ին տված հարցազրույցում ասել է Լեռնային Ղարաբաղի Հանրապետության նախագահ Բակո Սահակյանը:
Նա նշել է, որ նոր պատերազմի հավանականությունը կախված է մի շարք գործոններից:
«Ամենագլխավորը ԼՂՀ Պաշտպանության բանակի մարտունակությունն է եւ հակամարտության ռազմական ճանապարհով լուծման անընդունելիության վերաբերյալ միջազգային հանրության հստակ դիրքորոշումը»,- հայտարարել է Սահակյանը:
ԼՂՀ նախագահը հավելել է, որ լայնամասշտաբ եւ տեւական պատերազմը կդառնա ինչպես Հարավային Կովկասում, այնպես էլ ամբողջ աշխարհում առավել մասշտաբային աղետի խթանիչ:
