Բարսելոնան ալեկոծվում է

Երեկ՝ նոյեմբերի 11-ին, տեղի ոստիկանության տվյալներով, գրեթե 750 հազար մարդ է մասնակցել Բարսելոնայում անցկացված երթին, ովքեր իրենց բողոքն են արտահայտել կատալոնական անկախության շարժման ղեկավարների ձերբակալության դեմ, տեղեկացնում է BBC-ն։

Ցուցարարներն Իսպանիայի կենտրոնական իշխանություններից պահանջել են ազատ արձակել 8 տարածաշրջանային նախարարներին ու 2 ժողովրդական ակցիաների ղեկավարներին։  Ի դեպ, ձերբակալվածներից մի քանիսը կմասնակցեն դեկտեմբերի 21-ին նշանակված արտահերթ ընտրություններին՝ կատալոնական անջատողական կուսակցության ցուցակով։

Իսպանիայի վարչապետ Մարիանո Ռախոյը պատրաստվում է Բարսելոնա այցելել այսօր՝ նոյեմբերի 12-ին։

Կատալոնիայի մայրաքաղաքի ղեկավարը դատապարտել է անկախություն պահանջող գործիչներին։

Հիշեցնենք, որ անցյալ ամիս Կատալոնիայի խորհրդարանը անկախություն հռչակեց։ Դրան ի պատասխան Մադրիդը լուծարեց խորհրդարանը եւ նոր ընտրություններ նշանակեց դեկտեմբերի 21-ին։ Կատալոնիայի վարչապետ Կառլես Պուչդեմոնը մեկնեց Բելգիա՝ հայտարարելով, որ հետապնդումների ու սպառնալիքների է ենթարկվում։

Source: Yerkir Media
Link: Բարսելոնան ալեկոծվում է