Բնապահպանության նախարարությունն ու Գերմանիայի կառավարությունը Սյունիքում իրականացնում են իր տեսակով յուրօրինակ ու շատ կարեւոր մի ծրագիր: Նպատակը Հայաստանի բացառիկ կենդանատեսակներով ու բուսատեսակներով հարուստ անտառների պահպանությունն է: Սյունիքում այդ անտառները վերածված են պահպանվող տարածքների:
Ծրագրով նախատեսված է իրականացնել այնպիսի գործողություններ, որոնք թույլ կտան անտառամերձ տարածքում ապրող մարդկանց սոցիալական խնդիրները լուծել՝ միաժամանակ նրանց արգելել մտնել անտառ ու վնասել այն:
