Գների էական փոփոխութուններ՝ բենզինի և դիզելային վառելիքի շուկայում
June 7, 2017
Հայաստանում գների էական փոփոխութուն է արձանագրվել բենզինի և դիզելային վառելիքի շուկայում: Այս մասին հունիսի 7-ին լրագրողների հետ հանդիպման ժամանակ ասաց ՀՀ ազգային վիճակագրական ծառայության պետի խորհրդական Գուրգեն Մարտիրոսյանը:
«Հինգ ամիսների ընթացքում բենզինի գներն աճել են 10.4, իսկ դիզելային վառելիքինը` 13.9 տոկոսով: Վերջին ամսում բենզինի գները նվազել են 0.3 տոկոսով, իսկ դիզելային վառելիքի գներն աճել են 0.1 տոկոսով»,- ասաց Մարտիրոսյանը:
Նրա խոսքով` եթե հունվարին-ապրիլի կտրվածքով համեմատելու լինենք տարածաշրջանային սպառողական գների փոփոխությունները, ապա Հայաստանում դրա աճը կազմել է 2.4 տոկոս, Ուկրաինայում` 4.9 տոկոս, Ղազախստանում` 2.7 տոկոս, Մոլդովայում` 4.3 տոկոս, 4 տոկոսից բարձր արձանագրվել է Վրաստանում և Տաջիկստանում, ՌԴ-ում գնաճը կազմել է 1.3 տոկոս, Բելառուսում 2.4 տոկոս:
ԵՄ անդամ 24 երկրներում չորս ամիսների գնաճը կազմել է 0.8 տոկոս: Ավելի բարձր գնաճ է արձանագրվել Մերձբալթյան երկրներում` 1.5-2 տոկոս:
