Ֆիզիկոս Ալբերտ Էնշտեյնը 95 տարի առաջ հյուրանոցի սպասավորին, ի նշան շնորհակալության, հայտնել է «երջանկության գաղտնիքը»: Այն Երուսաղեմում վաճառվել է 1.5 մլն դոլարով:
1922 թ Ճապոնիա դասախոսություն կարդալու եկած Էնշտեյնը, մանր չունենալու պատճառով չի կարողանում վճարել սպասավորին, եւ, որպեսզի դատարկաձեռն չճանապարհի, թղթի 2 կտորի վրա երկու խորհուրդ է գրի առնում։ Տալով սպասավորին՝ նա հորդորում է լավ պահել դրանք, քանի որ ապագայում «սովորական թեյավճարներից անհամեմատ թանկ կարժենան»։
Առաջին թերթիկի վրա, որը վաճառվել է 1,56 մլն դոլարով, գրված է․
— Հանգիստ եւ համեստ կյանքն ավելի մեծ երջանկություն է պարգեւում, քան հաջողության հետեւից վազելը
Երկրորդ խորհուրդը, որը վաճառվել է 240 հազար դոլարով, հետեւյալն է․
— Եթե ունես կամք, կգտնես նաեւ միջոց։
Source: Yerkir Media
Link: էնշտեյնի «երջանկության գաղտնիքը» վաճառվել է 1,5 մլն դոլարով