Your generosity empowers our advocacy, inspires our work, and sustains our momentum.
«Կոնֆերանսի կարեւորությունը կայանում էր նրանում, որ այստեղ մասնակցում էին ոչ միայն գյուղատնտեսության նախարարության եւ քաղհասարակության ներկայացուցիչներ, այլեւ՝ առողջապահության նախարարության եւ այլ ոլորտներից: Այս կոնֆերանսի նորարարություններից մեկը այն էր, որ մենք կարողացանք ճիշտ երկխոսություն ստեղծել համապատասխան պետական եւ ոչ պետական կառույցների միջեւ»,- ասել է ՀՀ Գյուղատտնտեսության նախարարի տեղակալ Արմեն Հարությունյանը:
Երկօրյա համաժողովն իրականացվում էր «Օքսֆամի» կատարած քառամյա ծրագրի շրջանակներում : Մասնագետները հիմնականում ընգծում էին ոլորտի նույն խնդիրները, քանի որ դրանք տարածաշրջանային բնույթ ունեն եւ տարբերությունները Կովկասյան երկրներում քիչ են:
«Մեր երկու երկրների տնտեսությունների հիմնական խնդիրը ճիշտ սննդակարգի մասին կրթվածության պակասն է: Փոքր տնտեսությունները եւ ֆերմերները դեռ չեն հասել կրթվածության բարձր մակարդակի: Կարեւոր է գիտելիքը եւ նոր տեխնելեգիաների ներմուծումը»,- նշել է Վրաստանի Գյուղատնտեսության նախարարի առաջին տեղակալ Նոդար Կերեսելիձեն:
Եվրամիության ֆինանսավորմամբ իրականացվող համաժողովն առաջին անգամ անդրադարձավ նաեւ կանանց խնդիրներին, եւ կնոջ դերը գյուղատնտեսության գործում թեման նույնպես մեծ քննարկման արժանացավ:
«Կանայք կարեւոր դերակատարություն ունեն հատկապես տեղական պարենային արտադրության մեջ: Գյուղական վայրերում է հիմնականում գյուղատնտեսական մթերքներն արտադրվում, իսկ այդտեղ ֆերմերների 50 տոկոսից ավելին կանայք են: Ծրագրի նպատակն էր, որ ռազմավարություններում ըստ արժանվույն նույնպես արտահայտվեն կանանց ֆերմերների դերակատարությունը, ինչպես նաեւ համապատասխանաբար գործողություններով անդրադառնալ կին ֆերմերների՝ եւ խնդիրներին եւ հնարավորություններին»,- ասել է Օքսֆամ միջազգային կազմակերպության Հայաստանյան գրասենյակի տնօրեն Մարգարիտա Հակոբյանը:
Կազմակերպիչների խոսքով՝ համաժողովի նպատակն էր միջազգային մասնագետների փորձի փոխանակումն ապահովել ու նոր մոտեցումներ արձանագրել:Օքսֆամի քառամյա ծրագրի ուսումնասիրությունների ընթացքում ներգրավված էր եղել նաեւ Ադրբեջանը: Սակայն կազմակերպությունն անցած տարի դադարեցրել է իր գործունեությունն այդ երկրում ինչ -ինչ խնդիրներիկ պատճառով, ինչի մասին չցանկացան խոսել ,իսկ համաժողովին Ադրբեջանի մասնագետներից ներկաներ չկային. ընգրկված էին եղել միայն ուսումնասիրության արդյուքները: